आर्थिकविशेषशैक्षणिकसामाजिक

परराज्यात शिक्षणासाठी जाणाऱ्या OBC विद्यार्थ्यांना धक्का; फ्री शीप योजना रद्द..

मुंबई : महाविकास आघाडी सरकारने घेतलेला आणखी एक निर्णय शिंदे फडणवीस सरकारने रद्द केला आहे. ओबीसी विद्यार्थ्यांसाठीची फ्री शीप योजना राज्य सरकारकडू बंद करण्यात आली आहे.
त्यामुळे परराज्यात शिक्षणासाठी जाणाऱ्या ओबीसी समाजातील विद्यार्थ्यांना याचा मोठा फटका बसणार आहे. ओबीसी बहुजन कल्याण विभागाने परिपत्रक काढून यासंदर्भात माहिती दिली आहे.
दरम्यान, महाविकास आघाडी सरकारने केंद्र सरकारकडून देण्यात येणाऱ्या शिष्यवृत्ती योजनेसोबत फ्री शीप योजना सुरू केली होती. त्यामध्ये परराज्यात शिक्षणासाठी जाणाऱ्या विद्यार्थ्यांना शिक्षणाचा खर्च, परिक्षेचा खर्च देण्यात येत होता. १ लाख ते ८ लाखापर्यंत उत्पन्न असलेल्या विद्यार्थ्याना या योजनेचा लाभ घेता येत होता पण शिंदे सरकारने फ्री शीप योजना रद्द करण्याचा निर्णय घेतल्यामुळे OBC समाजातील विद्यार्थ्यांना फटका बसणार आहे.

केंद्र सरकारकडून ज्या विद्यार्थ्यांचे उत्पन्न हे एका लाखाच्या आत आहे अशा विद्यार्थ्यांना शिष्यवृत्ती देण्यात येत होती. त्यानंतर राज्य सरकारने OBC समाजाच्या विद्यार्थ्यांसाठी ही योजना सुरू केली होती. त्यानंतर हा निर्णय शिंदे सरकाकडून रद्द करण्यात आला आहे.
“यासंदर्भात चर्चा करण्यासाठी आम्ही मुख्यमंत्र्यांना संपर्क करून परराज्यात शिक्षणासाठी जाणाऱ्या ओबीसी समाजातील विद्यार्थ्यांच्या विरोधात भूमिका घेऊ नका असं सांगितलं आहे पण आता काय बोलणार? आम्ही यासंदर्भात मुख्यमंत्र्यांची भेट घेऊन चर्चा करणार आहोत.” असं माजी मंत्री विजय वडेट्टीवार यांनी सांगितलं आहे.

Related Articles

Leave a Reply

Your email address will not be published.

Back to top button