महाराष्ट्र

पासपोर्ट चोरीला, मुलगा परदेशात अडकला; अशोक सराफ यांच्या मदतीला धावलेला राष्ट्रवादीचा बडा नेता….


मुंबई- परदेश वारी हे अनेकांचं स्वप्न असतं. काही कामासाठी परदेशात जातात तर काही फिरायला. मात्र परदेशात गेल्यावर तुमचा पासपोर्ट चोरीला गेला तर? दुसऱ्या देशात सगळ्यात महत्वाचा असतो तो पासपोर्ट आणि तोच चोरीला गेला तर पुढे अनेक अडचणींना सामोरं जावं लागतं. अशात तुमची मदत करणारा व्यक्ती हा आपल्यासाठी देवमाणूसच ठरतो. असाच एक प्रसंग लोकप्रिय मराठी अभिनेते अशोक सराफ यांच्यासोबत घडला होता. अशोक मामांचा मुलगा अनिकेत परदेशात असताना त्याचा पासपोर्ट चोरीला गेला होता मात्र तेव्हा राष्ट्रवादीच्या मोठ्या नेत्याने त्यांची मदत केली होती हा किस्सा त्यांनी आपल्या ‘मी बहुरूपी’ या आत्मचरित्रात लिहिला आहे.
या पुस्तकात त्या प्रसंगाचा उल्लेख करत मामांनी लिहिलं, ‘अनिकेत त्याची स्वप्न पूर्ण करण्यासाठी परदेशी गेला होता. तो पॅरिसमध्ये राहत होता. बाहेरच्या देशात जाणाऱ्यांनी आपला पासपोर्ट जपून ठेवणं गरजेचं असतं. मात्र तेव्हा अनिकेत एका मोठ्या अडचणीत सापडला होता. त्याचाही हा पहिलाच अनुभव होता. त्या घटनेने त्याला धक्का बसला होता. काही लोकांनी चोरी करण्याच्या उद्देशाने त्याला घेरलं. अनिकेतला सुदैवाने काही इजा झाली नाही मात्र त्याची बॅग चोरीला गेली. त्याच्या बॅगमध्ये सगळं सामान आणि पासपोर्ट होता. आता पासपोर्ट गेला म्हणून त्यालाही टेन्शन आलं. नव्या पासपोर्ट आणि स्टुडंट व्हिसासाठी त्याला भारतात यावं लागणार होतं आणि हे काम पुढच्या सात दिवसात होणं गरजेचं होतं.

Related Articles

Leave a Reply

Your email address will not be published. Required fields are marked *

Back to top button